"صباح الخير يا مجلس" , تحية و بعد ......
أنا أم كاتبة هذه السطور أبعث لكم برسالة بمناسبة مرور 100 يوم على الثورة , كل سنة و انتم طيبين و أعاد الله عليكم الايام بالخير .
لم أعهد من أمى هذا الاسلوب المنمق فنظرت لها ضاحكة فعرفت ما أفكر فيه فانطلقت بخفة دمها المعهودة تسرد رسالتها :
" الحق يا مجلس أنا مكسوفة من البت اللى بتكتب الكلام ده , أصل البت ديه شاركت فى الثورة , سفت التراب , وقفت قدام مبارك و العادلى , شافت الخوف جريت وراه و ادته حتت علقة , حضنت أخوها حتت حضن و هو بيموت , ميغركش قوتها ديه دمعتها قريبة أوى ....البت تعبت أوى يا مجلس . لكن الحق يتقال ,ما شىء هون عليها الايام السودة اللى عاشتها الا وقفتك جنبها ,وقفة رجالة بصحيح , بس حصل حاجة غريبة أوى من يومين.... دخلت عليها أودتها لقيتها بتبكى بحرقة و بوجع قلتلها اتكلمى قالتلى : "مقدرش , قالولى الجيش كارت أحمر , قالولى أخر حاجة تشتكى منها الجيش , وقالولى الجيش أخر كارت بقالينا !!"
أنا بنتى يا جيش أخر كارت باقيلى و أنا الصراحة كارتى أبيض ضحكته بيضة طيبة من قلبه أصل قلب شباب , بس الشباب بيموت يا مجلس, لو "الشباب" غلط عاقبه وبخه لكن ما تعذبوش و لا تضدربوش , و ان وجب محاكمته متحكمهوش بمحاكمتك الناشفة أصله مش ظابط ده عصفور , و ان صوته علىّ متحبسوش ...انت متعرفش ان الطيور بتغنى جوا الاقفاص , لكن غنا حزين ,مجروح بيتألم , مش شايف لا نور و لا أمل و لا مستقبل .
أنا زى والدتك يا جيش و دلوقتى هعتب عليك عتاب الام لابنها , أمكم زعلانة منكم , غلطوا فى حقها و حق ولادها , و بتقولكم اعتذروا للعيال الطيابة ديه , حطوا اديكم فى ادهم , متعملوش زى اللى فاتوا , خدوا عبرة , أصل العيال ديع زيها زى الورد اللى فتح فى الجناين!!!
هنا قاطعت أمى بانفعال :" يا ماما مينفعش انتى كده بتقولى ان الجيش أخطأ و انه فشل فى ادارة الفترة الانتقالية"
قطبت أمى حاجبيها و هى تستمع لى : "حيلك حيلك , ادارة ايه و انتقالية ايه ما تسبينى أقول كلام أفهمه , خليهم يفهمونى . تنهدت أمى ثم قالت : أنا خلصت , تقدرى تقومى دلوقتى " , هممت بالقيام لكنها استوقفتنى : " اسمعى يا بنتى و انتى بتقرى الجواب تقرييه بشويش و بصوت واطى ... متعمليش دوشة للناس اللى فوق , فارتعشت عضلات وجهى و اغرورقت عيناى بالدموع فاختنق صوتى : حاضر يا أمى .......
سارة الصادق
أنا أم كاتبة هذه السطور أبعث لكم برسالة بمناسبة مرور 100 يوم على الثورة , كل سنة و انتم طيبين و أعاد الله عليكم الايام بالخير .
لم أعهد من أمى هذا الاسلوب المنمق فنظرت لها ضاحكة فعرفت ما أفكر فيه فانطلقت بخفة دمها المعهودة تسرد رسالتها :
" الحق يا مجلس أنا مكسوفة من البت اللى بتكتب الكلام ده , أصل البت ديه شاركت فى الثورة , سفت التراب , وقفت قدام مبارك و العادلى , شافت الخوف جريت وراه و ادته حتت علقة , حضنت أخوها حتت حضن و هو بيموت , ميغركش قوتها ديه دمعتها قريبة أوى ....البت تعبت أوى يا مجلس . لكن الحق يتقال ,ما شىء هون عليها الايام السودة اللى عاشتها الا وقفتك جنبها ,وقفة رجالة بصحيح , بس حصل حاجة غريبة أوى من يومين.... دخلت عليها أودتها لقيتها بتبكى بحرقة و بوجع قلتلها اتكلمى قالتلى : "مقدرش , قالولى الجيش كارت أحمر , قالولى أخر حاجة تشتكى منها الجيش , وقالولى الجيش أخر كارت بقالينا !!"
أنا بنتى يا جيش أخر كارت باقيلى و أنا الصراحة كارتى أبيض ضحكته بيضة طيبة من قلبه أصل قلب شباب , بس الشباب بيموت يا مجلس, لو "الشباب" غلط عاقبه وبخه لكن ما تعذبوش و لا تضدربوش , و ان وجب محاكمته متحكمهوش بمحاكمتك الناشفة أصله مش ظابط ده عصفور , و ان صوته علىّ متحبسوش ...انت متعرفش ان الطيور بتغنى جوا الاقفاص , لكن غنا حزين ,مجروح بيتألم , مش شايف لا نور و لا أمل و لا مستقبل .
أنا زى والدتك يا جيش و دلوقتى هعتب عليك عتاب الام لابنها , أمكم زعلانة منكم , غلطوا فى حقها و حق ولادها , و بتقولكم اعتذروا للعيال الطيابة ديه , حطوا اديكم فى ادهم , متعملوش زى اللى فاتوا , خدوا عبرة , أصل العيال ديع زيها زى الورد اللى فتح فى الجناين!!!
هنا قاطعت أمى بانفعال :" يا ماما مينفعش انتى كده بتقولى ان الجيش أخطأ و انه فشل فى ادارة الفترة الانتقالية"
قطبت أمى حاجبيها و هى تستمع لى : "حيلك حيلك , ادارة ايه و انتقالية ايه ما تسبينى أقول كلام أفهمه , خليهم يفهمونى . تنهدت أمى ثم قالت : أنا خلصت , تقدرى تقومى دلوقتى " , هممت بالقيام لكنها استوقفتنى : " اسمعى يا بنتى و انتى بتقرى الجواب تقرييه بشويش و بصوت واطى ... متعمليش دوشة للناس اللى فوق , فارتعشت عضلات وجهى و اغرورقت عيناى بالدموع فاختنق صوتى : حاضر يا أمى .......
سارة الصادق
اسلوبها جامد جدا
ردحذفأشكرك
ردحذف